Romm und Nomm
Bei ons fährt ma auf Schwabmüncha naus und auf Augschburg nei.
End Kirch semmer friahr auf Verschberbild nei gfahra.
In d`Berg gauts au nei.
Dussa ond Denna
D`r Augschburger wohnd denna und die en de Schdauda wohnad dussa.
Nomm ond Romm
Auf Memmahausa gauts nomm. Wenn aber oiner von Zematshausa isch, dann hoißt des: Komm hald schnell maul romm.
Nauf ond Naa
Auf Middlneifnach gauts nauf.
Auf Hamburg fährt ma aber au nauf ??
Au of da Hölda gaud`s nauf.
Wos nauf gaud muas nadürlich au me nau gau.
Drom fäht ma von Habertsweiler auf Langaneifna na.
Vornaromm ond Hendaromm
Ma ka auf Schwabmencha hendarom, also über Koaradshofa fahra oder vornaromm, nau gauts über d´Leidau.
Doba ond Donda
Dia em Rotha wohnad doba, d`Langaneifner wohnad donda.
Deana ond Reana
Die oine wohnad an d`r Schmudder reana ond dia andre dann hald deana.
D´r schwäbische Dialekd kennd koine genaue Grenza. Des gaut oft enenandnei. Oft wead a Woad odr a Satz scha drei Oadschafda weidr me ganz andrschd ausgschprocha oder hoißt au glei andrschd.
Die dau aufgschriebane Sätz send im Dialekd wie ear bei ons en de Schdauda gred wead.
Wear se a bissle mid dr schwäbischa Mundard beschäffdigt, wead glei merka dass es dau koi oiheidliche Reglung geid. Wemma em Internet guggad, landed ma allawei zeascht bei Wikipedia. Dau staud dann:
Schwäbische Dialekte (auch Singular als schwäbischer Dialekt oder schwäbische Mundart, kurz Schwäbisch) bilden zusammen eine Dialektgruppe, die im mittleren und südöstlichen Bereich Baden-Würtembergs, im Südwesten Bayerns sowie im äußersten Nordwesten Tirols gesprochen wird. Linguistisch gesehen gehören sie zu den schwäbisch-alemannischen Dialekten und damit zum Oberdeutschen.
Dia meischde Seita kommad nadürle von onsre Würdabergische Nauchbaura. Isch ja koi Wonder, dia kennad ja alles außer Hochdeidsch.
Bayrisch-Schwäbische Seita send gar id so leicht zom fenda. Dau onda geid`s a paar endresande Links:
https://www.historisches-lexikon-bayerns.de/Lexikon/Alemannisch-Schw%C3%A4bische_Dialekte_in_Bayern
https://www.historisches-lexikon-bayerns.de/Lexikon/Schwaben
https://blog.bayerisch-schwaben.de/der-schwaebische-dialekt.htm
https://dibs.badw.de/dialekte-schwabens.html
https://de.wikipedia.org/wiki/Sprachatlas_von_Bayerisch-Schwaben
Dau kennad`r a bissle midspiela.
Ihr kennda ja onda en de Kommendare neischreiba wia weid ihr komma send.
Wia isch des den bei ui so? Wia gauds dau zu?
Dös kennad`r gera onda en dia Komendare neischreiba.
0 Kommentare